قعدنا عالشرفة ببيروت، شربتي شاي، وحكتلي شي ما توقعتو قعدنا عالشرفة ببيروت، شربتي شاي، صوت الزمور من تحت كالعادة، وحكتلي إنو من شي خمس سنين كان عندا علاقة مع وحدة من رفيقاتا. مش علاقة طويلة، يومين بسفرة عالأردن. ما حدا عرف. وانا كنت أعرفا منيح هاي البنت، صارت حضرت عرسنا. أنا 39 وهيي 36 عشر سنين مجوزين. ولاد اتنين. أنا شغال بالبنك وهيي مدرّسة عربي. ما كنت متوقع. مش غاضب لأنو من قبلنا، بس مش عارف ليش حكتلي هلق. قلتلا ليش هلق؟ قالتلي ما فيه سبب، بس بكر بدا تحكي عن شي تاني وتسألني إذا أنا منفتح. يعني هاي القصة كانت مقدمة لشي تاني؟ هلق أنا قاعد بفكر ليل نهار. ولا بحس إنا بدا تختبرني، شو رأيي بحب النساء للنساء. ولا بحس إنا بدا تطلب شي محدد. وعم تأخر باللحظة المهمة. شو رأيكن، هاي قصة قديمة بدا تطلع لأنو الموضوع متراكم، ولا في خطة وراها؟ صرلي أربع ليالي ما عم نام وعم اخسر تركيز بالشغل.